لڑکی کی شادی کے لیئےزکوۃ دینا کیسا

سوال نمبر 210

السلام علیکم ورحمۃ اللہ وبرکاتہ

 کیا فرماتے ہیں علمائے دین ومفتیان  شرح متین کی زید کے پاس پچاس ہزار روپیہ ہے اور وہ مالک نصاب ہےاس کو اپنی لڑکی کی شادی کرنی ہے تو کیا بکر اس کو زکوۃ کا مال دے سکتا ہے یا نہیں زکوٰۃ کا روپیہ زید کیلئے لینا درست ہے کہ نہیں

محمد فاروق خان ممبئی

---

وعلیکم السلام ورحمۃ اللہ وبرکاتہ

 الجواب بعون الملک الوھاب اللھم ھدایۃ الحق والصواب

 صورت مسؤلہ میں عرض ہے کہ بکر زید کو مال زکوۃ نہیں دے سکتا اور اگر مال زکوۃ دیتا ہے تو زکوۃ ادا نہ ہوگی ہاں اس کی مدد صدقہ واجبہ کے علاوہ مال سے کی جا سکتی ہے جیسا کہ قرآن مجید میں ارشاد باری تعالی ہے 

انما الصدقات للفقراء والمساکین والعملین علیہا والمؤلفۃ قلوبہم وفی الرقاب والغمرین وفی سبیل اللہ وابن السبیل فریضتہ من اللہ واللہ علیم حکیم 

صدقات فقراء و مساکین کے لئے ہیں اور ان کے لئے جو اس کام پر مقرر ہیں اور وہ جن کے قلوب کی تالیف مقصود ہے اور گردن چھڑانے میں اور تاوان والے کے لئے اور اللہ کی راہ میں اور مسافر کے لیے اللہ کی طرف سے مقرر کرنا ہے اور اللہ علم و حکمت والا ہے

امام احمد د وابوداؤد وحاکم ابوسعید رضی اللہ تعالیٰ عنہ سے راوی کے رسول اللہ صلی اللہ علیہ وسلم نے فرمایا کے غنی کے لئے صدقہ حلال نہیں

اور مذکورہ سوال میں ظاہر ہے کہ زائد مالک نصاب ہے جس کو زکوۃ دینا جائز نہیں ہے ہاں اس کو خود زکوۃ دینا فرض ہے 

اور ایسا ہی احکام شریعت حصہ دوم دوم صفحہ نمبر 153 پر موجود ہے  صدقہ واجبہ جیسے زکوٰۃ صدقہ فطر غنی پر حرام ہے

اور ایسا ہی بہارشریعت حصہ پنجم میں مزید تفصیل تلاش کریں واللہ اعلم بالصواب 

کتبہ

 محمد جواد القادری انصاری