بال و ناخن کو دفن کرنا کیسا

سوال نمبر 500

السلام علیکم ورحمت اللہ وبرکاتہ
 علمائے کرام ومفتیان عظاکی بار گاہ میں عرض ہے کہ کسی  آدمی ناخن کاٹا اور ایک جگہ جمع کردیا جمع کرنے کے بعد کوئ فینک دیتا ہے اور کوئی زمین میں دفن کر دیتا ہے تو زمین میں دفن کرنا بہتر ہے یا فینک دینا بہتر ہے کیا صحیح ہے    جواب عنایت فرمائیں حوالہ کے ساتھ
سائل محمد رضاءالحق مدرسہ اہلسنت غریب نواز چاپاکھور بار سوئ بہار

---

الجواب بعون الملک الوہاب 

صورت مستفسرہ میں ناخن دفنانے کا حکم ہے 

جیسا کہ صدر الشریعہ حضرت مولانا مفتی محمد امجد علی اعظمی علیہ الرحمہ اپنی کتاب شہر آفاق بہار شریعت میں تحریر فرماتے ہیں کہ ناخن اور زیر ناف کے بال دفنانے کا حکم ہے 

مسئلہ نمبر28 ترشوانے یا منڈانے میں جو بال نکلے انہیں دفن کردے،اسی طرح ناخن کا تراشہ پاخانہ یا غسل خانہ میں ڈالنا مکروہ ہے کہ اس سے بیماری پیدا ہوتی ہے،

مسئلہ نمبر 29 میں تحریر فرماتے ہیں کہ! چار چیزوں کے متعلق حکم یہ ہے کہ دفن کردی جائیں 

بال، ناخن ، حیض کا لتا، خون

بہار شریعت جلد سوم ص. 588

الفتاوی الہندیۃ،کتاب الکراہیۃ،الباب التاسع عشر فی الختان جلد پنجم ص. 358

خلاصہ یہی ہے کہ ناخن کاٹ کر پھینکنا منع ہے بیماری ہے بہتر ہے کہ دفنایا جائے تاکہ بیماری سے بھی بج جائیں اور شریعت پر عمل ہوجائے

واللہ ورسولہ اعلم بالصواب

کتبہ_______

غلام غوث اجملی غفرلہ 

خادم التدریس،دارالعلوم اہلسنت غریب نواز،چاپاکھور،بارسوئی، کٹیہار،، بہار
،۔8057787636